Ospedal San Sist
|
Quest articol chì l'è scrivud in lombard, con la Noeuva Ortografia Lombarda |
L'Ospedal San Sist a l'è 'l principal ospedal de la zona del pos'ciavin, del 2016 part del Center Sanitari de la Vall Pos'ciav insema a la Cà di Anzian e a Spitex.
Storia
ModifegaUna prima forma de ospedal propi piscinina a Pos'ciav l'è verta in del 1913 in la località La Rasiga, per i lavorà di Forze Motris Brus e per curà i operari malad.
In tra el 1927 e 'l 1929 i monegh ch'heven gestid l'ospedal deciden de trasformàll in d'un ospedal pussee grand, con 60 lecc, in la zona de San Sist. In tra el 1960 e 'l 1962 l'è slargad cont una noeuva ala est inscì de podè havégh denter 100 malad.
In del 1983 i monegh derven, in d'un vegg monester doperad prima 'me scoeula, un center per i anzian con possibilità de havégh circa 70 ospit.
L'è in del 1990 che la gestion de l'ospedal la passa ai comun de Brus e Pos'ciav, che ne finanzien i cost pussee, e in contemporanea la nass la Spitex, cioè la sociazzion per l'assistenza di malad a cà.
In tra el 2000 e 'l 2004, per rendèl pussee adat ai noeuv sfide sanitarie, l'è sbatuda sgiò la part fada su in di agn '60 e l'è fada su una sezzion noeuva oltra a la restrutturazzion de quella originala.
In la votazzion del 5 de sgiugn del 2016 in di comun de Brus e Pos'ciav l'è aprovada la fusion di trii ent per formà el Center Sanitari de la Vall Pos'ciav.
Oferta Sanitaria
ModifegaL'Ospedal l'ofriss un pront socors, con possibilità de efetuà radiografie e esam de laboratori, e cont un repart polifonzional de medesina, ostetricia e ginecologia, cerusia e longhdegenza. El gh'ha dent anca una clinega de fisioterapia.