Pacman (vulnerabilità)
|
Quest articol chì l'è scrivud in lombard, con la Noeuva Ortografia Lombarda |
Pacman a l'è una vulnerabilità in l'esecuzzion speculativa del processor ARM Apple A1 che l'è stada nonziada el 10 de luj 2022 di ricercator de sigurezza del MIT. El processor in question, inscì de mitigà el ris'c de atach che meten man a la memoria, el met denanz a ogni pontator un pointer authentication code, o ben un codes critograficament segur che, se tocad, el mena al bloch de l'esecuzzion inscì de schivà che 'l vaga a bon fin.
A doperà l'esecuzzion speculativa, se po provà a induvinà el PAC e, se l'è giust, vedé el cambi in la cache, se inveci a l'è fallad, se schiva che el programa el se ferma, roba che in di fad la rend la protezzion dada di PAC inutil. A l'è stad minga possibel sistemàlla, vist che l'è part de l'architetura del processor, ma vist che per doperàlla ghe voeul comunque un alter pont de atach, per esempi un buffer overflow, e l'è domà una protezzion pussee che in alter architeture la gh'è nanca, a l'è retegnuda no una roba inscì grama de la Apple.