Palazz Citeri

Quest articol chì l'è scrivud in lombard, con la Noeuva Ortografia Lombarda

El Palazz Citeri (Palazzo Citterio in italian) a l'è un palazz de Milan del Milasetcent^[1] che, del ses de dicember del 2024 l'è sed de la sezzion del Noeuvcent de la Pinacoteca de Brera.^[2]

Storia

El palazz l'è stad fad su per la familia Citeri, originaria del Lissandrin ma de temp a Milan, del secol XVIII e l'è poeu crompad prima di Fürstenberg e poeu di bancher Rosenberg Colorni.^[3] L'è poeu crompad, del 1972, del stat, 'me part del proget de la Gran Brera, insì de metégh dent 'na part de la collezzion del Palazz de Brera e anca di center studi e ricerca.^[2]

Per fàll sgiamò di agn '80 scomincen di lavorà de restaver e de repensament di spazzi e in tra el 2012 e 'l 2018 gh'è la part pussee granda de 'sti lavorà, che vann poeu inanz anca sota la direzzion del James Bradburne e de l'Angelo Crespi che, diretor del 2024, el ved la soa fin, cont i ultim lavor in su l'aria condizzionada, el fà pussee dura la strutura e di noeuv alestiment che inn fad in tra sgiugn e otover.^[2]

I lavorà però inn stad bei longh e pien de problema: dopo de una vertura provisoria del 2010 per una mostra del Paul McCarthy a l'è ocupad, el 19 de masg 2012, del center social Macao, apena dopo che la polizzia i haveva caciad de la Torr Galfa che haveven ocupad prima^[4]: inn mandad via el 22 cont un gran intervent de polee, carabiner e anca soldad.^[5]

Del dicember 2024 la gh'ha dent tucc i quader de la collezzion de Brera che inn stad fad dopo del 1861, cont oeuvere de artista compagn del Boccioni e del Picasso.^[2]

Architetura

Classegh palazz nobiliar de la soa epoca, el dà in su la Via Brera^[1]: el gh'ha un pian nobel cont una sala progetada de l'Isabella Marelli e indova che el quader "Fiumana" del Giuseppe Pellizza da Volpedo, che l'è el studi de "El Quart Stat", e che la mena ai do collezzion: quella Jesi, che la va vers via Brera, e quella Vitali, che la va vers el giardin, che 'l confina con l'Ort botanegh de Brera.^[2]^[4]

Riferiment

Alter proget

Wikimedia Commons el gh'ha dent imagin o alter archivi su Palazz Citeri

[:0-1] 1,0 ^1,1 Palazzo Citterio | LombardiaBeniCulturali

[:1-2] 2,0 ^2,1 ^2,2 ^2,3 ^2,4 Milano, apre ufficialmente Palazzo Citterio inaugurando la Grande Brera | Finestre sull'Arte

[3] Dopo i nobili gli industriali del cotone | La Scala

[:2-4] 4,0 ^4,1 Che cos’è Palazzo Citterio, a Milano | IlPost

[5] Il collettivo Macao sgomberato per la seconda volta a Palazzo Citterio | MilanoToday

[1]

[2]

[3]

[4]

[5]