Palazz Spinola
|
Quest articol chì l'è scrivud in lombard, con la Noeuva Ortografia Lombarda |
El Palazz Spinola a l’è on palazz de Milan del cinch-cent, rifad in del cors del Vot-cent. Storicament partegnud al sester de Porta Noeuva, el se troeuva in via San Paolo 10. Dal 1808 a l'è sede de la Socetà del Sgiardin.[1]
Storia e descrizzion
ModifegaOrdinad in del 1580 dal bancher genoves Leonardo Spinola[2], om de fiducia del Tomas Mario, alter banchere genoves, el palazz a l’è stad fad tirà su d’on architet mai conossud in trè campagne de lavorà diferente intra ‘l 1570 e ‘l 1615. A inn stade fade di ipotesi a proposit del Pellegrin Pellegrin e del Martin Bassi, ma domà la partecipazzion del Bassi la parariss oramai certa;[3] incoeu el dedent de l’edifizzi l’è soratut el risultad de rimestadure fade in del cors del vot-cent: la faciada sempliz indove figura el portal de bugnad, la lassa intravedé poch di ambient de lusso che gh’è de dent.
A l’è famosa la Sala d'or progetada del Gerolamo Arganino e decorada del Giacomo Tazzino: la sala, rimodernada in ocasion del sposalizzi de l'Imperador Ferdinand I, a l’è spazziosa e monumental, circondada d’on colonnad decorad con fris e sormontad de la trabeazione che fann su la tribuna per l'orchestra[1]; e poeu figura i afresch e i stuch dorad in su sfond avori; a l’istessa manera la Sala d'arsgent la toeu el nom di stuch color arsgent del Luigi Tatti.
Colpid senza misericordia di bombardament anglo-american del 1943, l’edifizzi l’ha ciapad foeugh e siben che i architeture de la faciada e de la cort sien restade intate, el foeugh l’ha distrut quasi tucc i pian de sora e di part del pian-terren e de conseguenza i tecc e bona part di volte a inn crollad e i dò sale descrivude chì de sora a inn stade distrute, de lor domà i mur s’inn salvad.[3]
On alter ambient important l’è de sicur la Sala de ball, che ‘l sò nom el lassa intender che la fudess sede di ball. La sala l’è stada vista e amirada del Stendhal, ospit tante volte in del palazz in del cors de ball e festesgiament. In la cort a gh’è la torre belvedere del Cinquecento, ambient drovad in di festegiament del sgiardin d’estad[4]
El Palazz Spinola, fina a la soa mort, l’ha ospitad el gran studi del pitor Luigi Conconi (1852-1917) che 'l l’ha condividud a longh insema al Gaetano Previati (1852-1920).[5]
Note
Modifega- ↑ 1,0 1,1 Attilia Lanza, Milano e i suoi palazzi: Porta Orientale, Romana e Ticinese, Libreria Meravigli Editrice, 1992, pg. 16.
- ↑ Attilia Lanza, Milano e i suoi palazzi: Porta Orientale, Romana e Ticinese, Libreria Meravigli Editrice, 1992, pg. 19.
- ↑ 3,0 3,1 a cura di Alberto di Bello. CONTRIBUTO A UNA BIBLIOGRAFIA DEI PALAZZI PRIVATI DI MILANO DAL XIV SECOLO ALL’ETÀ NEOCLASSICA. http://mssormani.comune.milano.it, aprile 2016 (arqiviad de l'url orijenal in data 26 aprile 2017)
- ↑ Attilia Lanza, Milano e i suoi palazzi: Porta Orientale, Romana e Ticinese, Libreria Meravigli Editrice, 1992, pg. 18.
- ↑ Luca Beltrami, L'anima e lo studio di un pittore (in memoria di Luigi Conconi), in Emporium, XLVIII, nº 285, Bergamo, Istituto italiano di arti grafiche, settembre 1918.
Alter proget
Modifega
Wikimedia Commons el gh'ha dent imagin o alter archivi su Palazz Spinola
