Lumbard ucidental Quest articol chì l'è scrivuu in lombard, grafia milanesa.

La palta (ciamada anca paciugh, fanga, paccia, molta[1]) l'è on messedozz faa su de material dur e on brisinin de liqued compagn de l'aqua. La deriva de la sedimentazion e la pò vess considerada tant 'me on particolad in sospension coloidal.

Palta maron.

SignificaaModifiché

In general, la palta la deriva de ona sospension de partìcol de 'na sostanza dura (organega o nò organega) desperduda in d'on liqued in manera fina.
In d'on sens pussee strècc, la palta l'è on sediment a grana fina, faa su de on mes'ciozz de aqua e silt e/o argilla. La litta, per esempi, l'è ona palta cont ona brancada de sostanz organegh.

El nommModifiché

La parolla palta la riva de la parolla latina volgar "palta", con l'istess significaa (e forsi de radis minga latina, ma aradittura pre-indoeuropea[2]). La parolla l'ha portaa anca a la nassida del termen paltan (a l'è anca 'na località) e la troeuvom anca in italian (indè che gh'emm "palta" e "pantano").[3]

ReferimentModifiché

  1. NavigAIS, carta numer 849.
  2. garzantilinguistica.it
  3. etimo.it

Vos corelaaModifiché