Panòcia

Chest artícol a l'è scricc in Lumbàrt Orientàl, ortograféa unificàda

Schéma de 'na panòcia

Panòcia del fiùr de lilà

En botànica, la panòcia o racémo cumpunìt l'è 'na 'nfiurescènsa cumpunìda, furmàda de 'n as principàl del quàl se destàca dei ram compàgn che 'ndèla gràta ma che 'nvéce de ìga 'nsìma dei fiùr sèmpe i g'ha amò 'n ótra gràta. En sostànsa l'è 'na gràta de gràte.

Enfrötescènsa zèrba de la icc, se èt bé la strütüra de la panòcia, cioè 'na gràta de gràte. La gràta de segónt ùrden en bresà la vé ciamàda grezèmbol.

• 

  Vitis vinifera

• 

  Avena sativa

• 

  Poa pratensis

Panòcia del furmintù

Panòcie de furmintù

Co la paròla panòcia (ciamàda piö de spès col nòm de canù del furmintù e in Insübregh col nòm de Lö(v)a) se ciàma 'ndèla lèngua parlàda de töcc i dé pò a la 'nfiurescènsa fèmina del furmintù che però 'n realtà tecnicamènt l'è 'na spìga, perchè le cariòsidi (spighète) i è sèsii (le g'ha mìa 'l pedezèl). La 'nfiurescènsa mas•cc del furmintù 'nvéce, cioè la part ciamàda "ciöf", l'è tecnicamènt pròpe 'na panòcia, perchè le spighète i è pedunculàde.

Us corelàde

• Zea mays
• Gràta

Tipi de 'nfiurescènse

Amènt Capulì. Ciàse Sìma Curìmp Panòcia Ombrèla Gràta Sìcon Spàdes Spìga