Passaport britannich d'Oltremar
|
Quest articol chì l'è scrivud in lombard, con la Noeuva Ortografia Lombarda |
El Passaport britannich d'Oltremar a l'è un passaport del Regn Unid relassad ai nazzionai britannegh d'Oltremar, o ben i citadin de Hong Kong de prima che la fuss chines e che hann fad domanda. De per lu, el permet no de andà dent de sigur ne a Hong Kong ne in del Regn Unid, ma del 2020, quand che la China l'ha aprovad di lesg de sigurezza assee strecce e controverse, el Regn Unid el permet a quei col passaport de stà in del Pajes per cinch agn senza vidi. Per rapresaja, el governo de la China del 2021 el permet no de doperàll per andà dent in del Pajes e, in sgeneral, el recognoss no la possibilità de vesser protesgiud di autorità britannegh quand che vun a l'è in China.