Patriarcad de Aquileja
|
Quest articol chì l'è scrivud in lombard, con la Noeuva Ortografia Lombarda |
El Patriarcad de Aquileja (in latin Patriarchatus Aquileiensis) a l'è una sed metropolitana de la Gesa catolega in pè di temp antigh de la cristianità e tolta via el 6 de luj 1751, cont el so territori che l'è stad spartid in tra i noeuve arcidiocesi de Gorizzia e Uden.
A gh'era ligad un Principad, indova che in tra el 1077 e 'l 1420 gh'hann esercitad el poder temporal e che l'è considerada la prima forma de stat del Friul. La catedral a l'era la basilega de l'Assonta.
Storegament de rit patriarchin, un temp la soa provincia eclesiastega la rivava de Com a l'Istria, ma cont el temp l'ha perdud importanza, grazzia ai conquiste asborgeghe e venezziane, e del 1751 el Papa Benedet XIV la spartiss, desgià che l'era deventad gram havégh 'na diocesi spartida in tra Venezzia e Austria, e 'l sbassa Uden de sed de patriarca a arcidiocesi e 'l volza Gorizzia, un temp arcidiaconia, a arcidiocesi.
Del 1968 l'è fada su 'me sed titolar, incoeu in man al Charles John Brown, nonzi apostolegh in di Filipine.
Riferiment
ModifegaAlter proget
Modifega
Wikimedia Commons el gh'ha dent imagin o alter archivi su Patriarcad de Aquileja
