Giambon

(Rimandad de Persutt)
Lumbard ucidental Quest articol chì l'è scrivuu in lombard, grafia milanesa.

El giambon o persutt l'è on taj de la carna del porscell. L'è on mangià bell cognossuu e doperaa, soratutt in dò formi: giambon cru e cott.
L'è tiraa foeura del garon del porscell, in del tocch che'l va de l'anca fina ai oss del tars. La pupart di giambon la vegn consciada e stagionada. Di voeult vegnen consideraa giambon anca taj ciappaa de alter part anatomegh del nimal (per esempi la spalla) o de alter besti, compagn de cerv, ors, bisont, cinghial.

On negozzi de giambon.

El nommModifega

El termen giambon l'è on francesism, che 'l riva de jambon. La parolla jambon la se liga a jambe (gamba), e la se referiss a la part anatomega del nimal de indè che se toeu su la carna. L'è spantegaa soratutt in area lombarda ocidental (e in Piemont e Liguria), intant che in quella oriental l'è pussee doperaa (con vari variant fonetegh) el termen persutt[1]. El frances jambon l'è rivaa anca in del romancc, indè che l'è scrivuu schambun [ʒam'buŋ].

ReferimentModifega

  1. NavigAIS, carta numer 998.