Pess e pomm de terra fritt

Quest articol chì l'è scrivuu in lombard, grafia milanesa.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

Quell articol chì a l'è in cors de traduzzion.

Questa pagena a l'è 'dree vesser voltada da la lengua ingles fazil a partì da l'articol fish and chips: a l'è per quella reson chì che ghe pòden vesser dent bus de contegnud, error sintategh putost che scrite minga voltade.
Vialter podii collaborà con la Wikipedia e andà inanz con la traduzzion.

Pess e pòmm de terra fritt (fish and chips in ingles) a l'è on tipo de mangià che 'l vegn origenariament del Regn Unii. A l'è on tipo de "mangià rapid" popolar in ona quaj part del mond. Comè el nom el dis, a l'è faa de pomm de terra fritt e on filett de pess friggiuu. Negozzi e restorant che venden el fish and chips a hinn fazil da troeuvà in Inghilterra e Galles, perchè a hinn comun da troeuvà in di cittaa brittanigh. El primm negozzi de pess e pòmm de terra fritt a l'è staa fondaa inde l'East End de Londra a la fin del secol desnoeuv, e donca a l'è minga on piatt inscì antigh comè se diss.

Fish and chips
Fish and chips.
Origen
IPA	['fɪʃ ən 'tʃɪps]
Pòst d'origen	Inghilterra
Spantegament	Irlanda, Australia, Noeuva Zelanda
Dettaj
Categoria	piatt unegh
Ingredient principaj	pess e pòmm de terra friggiuu compagnaa cont salz condiment vari

Ingredient

El pess

De solet, el merluzz, l'asinell putost che la (rarament) soglia a hinn doperaa per fà el pess e pòmm de terra fritt: de quest chì, el merluzz a l'è de bon el pussee pòpolar. Anca alter pess a carna bianca poden vess doperà, comè per esempi el merlan putòst che la platessa. In tant post a serven pess e pòmm de terra fritt cont pussee d'on tipo de pess, e in alter i client a poden toeù-foeura el tipo che voeuren. El pess a l'è semper ingolfaa-dent la pastella, che l'è on mes'ciozz sliquid doperaa per rend croccanta e dorada la fritura.

Tipigament, pess e pòmm de terra fritt a hinn majaa cont tant saa e asee, in Inghilterra.

I pòmm de terra fritt

I pòmm de terra fritt a hinn faa de pòmm de terra afettaa e hinn, de solet, tajaa-giò pussee grand di pòmm de terra fritt normaj. Franch anca i pòmm de terra a hinn friggiuu.

Alter contorn

Banch ambulant che 'l vend pess e pòmm de terra fritt.

De spess, a gh'hinn alter contorn che a hinn servii cont pess e pòmm de terra: intra quest contorn chì a gh'hinn ona salza de pisej moj ciamada mushy peas, i scigoll, i cucumeritt, i faseou al forno e i saveloy (che a l'è ona luganega longa). Ona quaj voeulta, se pò ced de avè di scrapings, che a hinn di tocchett croccant de pastella ch'hinn vegnuu-via dal pess inquand el vegneva friggiuu. Inde l'Inghilterra settentrionala la gh'è anca la varietaa chips and gravy, che 'l gh'ha on intigol (gravy in ingles) sora di pòmm de terra fritt. A l'è men comun in del rest del paes, indue, invece, ona quaj voeulta, se pò anca trovà ona salza de curry.

Alter ròbb da notà

Questa sezzion chì l'è ancamò voeuda. Juta a scrivela