Erithacus rubecula
|
|
Quel articul chì l'è scrivüü in Lumbard, cun l'urtugrafia insübrica ünificada. |
El Rusmagot o barbaross o picet, e anca l'üselìn de la neu (insübrich), sbeset o sbösèt (bressan) o piciàl (bergamasch), (Erithacus rubecula, Linnaeus, 1758), l'è un üsél passerifurm, in precedensa inserid ind la famiglia d'i Turdidae e incö classificad 'me part d'le Muscicapidae.
| Erithacus rubecola | ||||||||||||
|---|---|---|---|---|---|---|---|---|---|---|---|---|
| occ.: picet or.: sbösèt | ||||||||||||
 | ||||||||||||
| Stat de conservazion | ||||||||||||
| Classifigazion sientífiga | ||||||||||||
| ||||||||||||
| Nomm binomial | ||||||||||||
| Erithacus rubecola Linnaeus |
Caraterìstich
ModifegaEl rusmagot l'è un üsél cantur particularment cumün ind l'Europa. L'è lungh generalment dai 13 ai 14 ghei e'l pesa dai 10 ai 20 gram. L’apertüra d'i al la misüra dai 6,8 ai 7,7 ghei e’l pöd viu fin a 4 an.
Anca se l'è pìcul, l'è famus par el sò cumpurtament da bülu. El gh'ha 'na facia cicenta e sensa col. Da grand el gh'ha el magot culurad de arancion. Le altre pene i en de culur brün uliva. Ai giùin ghe manca la culurassion arancion e i en de sòlit a mace.
Cumpurtament
ModifegaEl Rusmagot l'è sucévul cun l'om e'l gh'ha un cumportament viu. De sòlit, quand se laura in giardin e se rigira la tera, el rusmagot el vegn visin par cercà i begh e le càmule purtade a la lüs. L'è teriturial anca ind el curs dal svernament. In Itàlia l'è present tüt l'an, anca se l'è un migradù a cürt rag.
Indùe el viu
ModifegaEl Rusmagot el viu ind i giardin, ind i ses, ind i buschet e ind i busch cun macion.
L'üsél el fa el nin ind i büs o ind le crepe di àlbor, ind i macion, ai pé d'la ses, ind el édera o anca in vec catanài lasadi da l'om. El nin el gh'ha la furma de na gamela tunda.
