Piero Melograni
El Piero Melograni (Roma, 15 de november del 1930 - Roma, 27 de settember del 2012) l'è staa on storegh, scrittor e politegh italian.
Vita
ModifegaL'è nassuu e cressuu a Roma, e lilinscì l'ha anca studiaa e 'l s'è laureaa. L'ha anca studiaa a Napoli e Washington, e l'ha otegnuu recognossiment e bors de studi.
El s'è iscrivuu al Partii Comunista Italian (PCI) in del 1946, quand el gh'eva sedes agn: ma in del 1956 l'è sortii foeura insemma a alter 100 personn (quei del Manifest di 101), in polemega averta contra i posizion del PCI a meret de la repression sovietega in Ungheria in del 1956. Lassada la politega, per circa trent'agn el s'è dedicaa domà a l'attività academega.
In del 1969 l'ha publicaa el sò liber pussee famos, cioè Storia politica della Grande Guerra 1915-1918. Del 1971 al 1966 l'ha insegnaa storia del dì d'incoeu a l'Università de Perugia. In 'sti agn l'ha scrivuu on mucc de sagg e liber de storia (per esempi el Saggio sui potenti, vun di sò sucess). In del 1976 l'ha curaa la Intervista sull'antifascismo del Giorgio Amendola. L'ha scrivuu anca tanti articoi e editoriai per vari giornai, compagn de L'Avanti! e de l'Espresso.
In del 1995 l'è tornaa in su la scena politega, col toeu part a la Convenzione Liberale del radical Marco Taradash. L'ann dopo (e fina al 2001) l'è staa deputaa in di list de Forza Italia, candidaa 'me indipendent. In quei agn là, insemma a alter 60 sagg de alter paes europee, l'è staa ciamaa a scriv la Carta di diritt fondamentai de l'Union Europea.
L'ha segutaa, intrattant, a scriv i sò sagg. In del 2006 l'ha publicaa ona traduzion del Princip del Maciavei in de l'italian del dì d'incoeu. L'ha colaboraa cont el Sole 24 Ore e 'l Quotidiano Nazionale, oltra a curà ona serie de trasmission de caratter istoregh in su la RAI.
Oeuver principai
Modifega- Storia politica della grande guerra. 1915-1918, Bari: Laterza, 1969.
- Gli industriali e Mussolini, Milano: Longanesi, 1972.
- (a cura di) Intervista sull'antifascismo (Giorgio Amendola), Roma-Bari, Laterza, 1976.
- Saggio sui potenti, Bari: Laterza, 1977.
- Rapporti segreti della polizia fascista, Roma-Bari, Laterza, 1979.
- Fascismo, comunismo e rivoluzione industriale,Roma-Bari, Laterza, 1984.
- Il mito della rivoluzione mondiale Roma-Bari, Laterza, 1985.
- Guida alla tesi di laurea, Milano, Rizzoli, 1993.
- Dieci perché sulla repubblica, Milano, Rizzoli, 1994.
- La modernità e i suoi nemici, Milano: Arnoldo Mondadori Editore, 1996.
- WAM, Bari: Laterza, 2003.
- La Guerra degli italiani 1940-1945, Roma, Istituto Luce, 2004.
- Il Principe di Niccolò Machiavelli(tradotto in italiano moderno), Milano, BUR, 2006.
- Le bugie della storia, Milano, Arnoldo Mondadori Editore, 2006.
- Toscanini, Milano, Arnoldo Mondadori Editore, 2007.