Piev de San Florian
|
Quest articol chì l'è scrivud in lombard, con la Noeuva Ortografia Lombarda |
La Piev de San Florian a l'è una gesa parochiala de San Pietro in Cariano, in del coeur de la Valpolsella, in provincia e diocesi de Verona.
A l'è vista 'me vuna di gese romaneghe pussee belle de la zona.
Storia
ModifegaA l'è tirada a man intorna al 900 in ducument del Berengari del Friul, ma la costruzzion del dì d'incoeu l'è del secol XII. Se pensa che l'è stada fada in su 'n cimiteri pagan, vist i materiai vegg che inn stad doperad.
Intorna al secol XII a gh'era sed vun di piovadenghi che l'era spartida la vall, oltra a quei de San Giorg e San Martin.
L'è destrugada in del terramot del 1117 e l'è fada su torna segond el stil romanegh verones: l'è restruturada in d'un stil pussee vesin a quell baroch in tra el 1731 e 'l 1748 e del 1871 l'è mitud el paviment che gh'è adess, in marmor.
Del 1960 se scerniss de tornà indree al stil de la gesa romanega, cont el toeu via de la recostruzzion baroca, e in del restaver se troeuva vari element antigh. Un noeuv restaver l'è fad anca in del secol XXI.
Architetura
Modifega
La faciada de la Gesa a l'è spartida in trii e la gh'hà un fris de archet 'me corona, che inn stad fad a partì de cioch de sepolcher roman.
El dent de la Gesa, dopo di restruturazzion del 1743, el s'è slontanad semper pussee del stil romanegh originari: l'è decorad de pilaster corinz del Setcent, menter el resta nagot del cor originari. El gh'haveva in principi trii absid, ma incoeu ne resta domà vun.
Mur e faciada oriental inn in tof, menter la navada oriental l'è in tof e calcar.
De foeura, a gh'è un cioster del Sescent e 'n ciocher a Nord bell grand, cont una bas de preja con la cana che la va su in cot e tof, e la finiss cont el cot de la cella di campane, e 'me impostazzion el regorda quell de San Zen.
Dent se troeuva cinch campane de bronz in Reb3, fade de la dita Caviadini del 1877, pensade per vesser sonade in concert di campane a la veronesa.
Galleria di foto
Modifega-
La faciada vista de nocc -
Particolar del de foeu -
El campanin -
L'absid de la Gesa -
El cioster -
Oltra vista del cioster -
La Crocifission del Cioster -
Preja scolpida in del cioster -
Oeugg de la Gesa -
Aquasantera -
El cupolin de drita -
El cupolin de mancina -
El batister -
Fresch in la piev -
Statua de la Madona col Bambin -
Fresch cont el Fior de la Vita -
Quader in la Piev -
Ostensori -
Reliquiari
Bibliografia
Modifega- Wart Arslan, L'architettura romanica veronese, Verona, 1939.
- Wart Arslan, La scultura e la pittura veronese dal secolo VIII al secolo XII, Milano, 1943.
- Gianbattista Biancolini, Notizie storiche delle chiese di Verona, Verona, 1750.
Alter proget
Modifega
Wikimedia Commons el gh'ha dent imagin o alter archivi su Piev de San Florian
