Pipèto

Quest articul chì l'è scriìt in lumbart, grafia cremàsca.

Pipèto
Origen
Pòst d'origen	Italia
Region	Lombardia
Area de produzion	Crèma e cremàsch
Dettaj
Categoria	contorno
Settor	cuntùrne

Al pipèto o nusèt l'è 'n cuntùrne che sa prepàra a Crèma e ' dal cremàsch.

Quand al sa dròa

L'è 'n piàt da la cüźina paisàna, 'n cuntùrne che 'l va adré al cudeghì, la càrne da 'l rói e i lèss e che al sa prepàra an invèrne.

L'è spès, cum'è 'n pastés, che al sa fa co' i vìerź, al böter, l'ài, al furmài da gràna, al pà gratàt, al gurgunzóla, an briźinì da sal e da péer, la nus muscàda.

Etimulugìa

La paròla la vè da pipà, ol di che i lasàa i vìerź sö la stüa per tant témp fino a quand i sa desfàa töcc.

Preparasìù

Sa mèt i vìerź töt bèi netàt 'n da l'àqua sbuiénta e sénsa la còsta per quindes minüt.

Sa prepàra l'óf con 'n briźinì da sal e da péer, dòpo sa mèt al furmài da grana, l'ài, sa mes-cia sö töt e sa fà pusà per du o tri ure.

Sa fa deźlenguà al böter, sa mèt ansèma chèl gh'è stacc preparàt pröma e sa fa cós cum'è 'na fritàda per cinch minüt.

Gh'è da fal asurbì an po' e dópo al sa serf; sa pol mètel 'n dal piàt po' con an pó da gurgunźóla o di ótre furmài.