Potere al Popolo

Quest articol chì l'è scrivuu in lombard, grafia milanesa.

Ol contegnid de qell articol qé l'è de atualizar.

Al sœmea qe qesta vox qé la g'habie denter dei informazion vegie. Se ta ge rivet, dà-g una sistemada.

Potere al Popolo (Poder al Popol in Lombard) a l'è ona coalizion de senìstra presentada in di elezion politegh italian del 2018 e reppresentada de la Viola Carofalo.

Potere al Popolo
Poder al Popol

Guida	Viola Carofalo

Stat	Italia
Fondazion	17 dicember 2017

Ideolojia	Comunism Euroscetticism Popolism de sinistra Socialism
Collocazion	Sinistra

Color	Ross
$fine
This box: view • talk • edit

Storia

La coalizion a l'è insubida del center social napolitan Ex OPG Je so' pazzo («A sont foeura de coo mi») e sostegnuda di àlter cénter sociai e formazion de sinìstra.

Ideja presentada in del 2016 el nomm a l'è staa scernuu in del 2017. El 17 de dicember 2017 a la vegn foeura cont el sostegn de duu partii comunista talian: el Partito della Rifondazione Comunista e 'l Partito Comunista Italiano. La Viola Carofalo a l'è nominada reppresentanta e in del 2018 cappa de la forza politega. El moviment 'l gh'ha avuu di contatt internazionaj cont i laborista ingles e La France Insoumise.

In di elezion regionai lombard del 2018 la se presenta cont el nomm de Sinìstra per la Lombardia indeperlee e cont el candidaa Massimo Gatti.

In di elezion regionai de l'Emilia-Romagna del 2020 el corr con la Marta Collot e 'l insubiss'na legg per fermà el consumm de terra e 'n salari minim de 9 euro l'ora paj lavorent del publegh.

Composizion

Han aderii a la piattaforma vott partii politegh:

	Ideologia	Capo politich
Refondazion Comunista (PRC)	Comunism	Maurizio Acerbo
Partii Comunista Italian (PCI)	Comunism	Mauro Alboresi
Red di Comunista (RdC)	Comunism	Luciano Vasapollo
Sinistra Anticapitalista (SAC)	Comunism	Franco Turigliatto
Moviment RadicalSocialista (MRS)	Socialism libertari	Katia Bellillo
Renassida Socialista (RS)	Socialism democratich	Franco Bartolomei
Partii del Sud - Meridionaj Progressista (PdS-MP)	Meridionalism	Natale Cuccurese
Democrazia Atea (DA)	Laicism	Carla Corsetti

Aderissen a la lista anca di esponent del Moviment NO TAV, NO TAP e NO TRIV.

Idej

El partii el se definiss anti-liberista, comunista, socialista, ambientalista, femminista, secolarista, libertari e meridionalista.

Resultaa

Cambra

Ann	Vot	%	Scagn
2018	370 320	1,13	0 / 630

Senad

Ann	Vot	%	Scagn
2018	319 094	1,06	0 / 315

Regionai

Elezion	Vot	%	Scagn
Lombardia 2018	35 716	0,68	0 / 80
Lazio 2018	33 372	1,31	0 / 50
Emilia-Romagna 2020	8 048	0,30	0 / 48