Pogall

Quest articol chì l'è scrivuu in lombard, grafia milanesa.

Pogall (it. Pogallo) a l'è on paesin de montagna che 'l se troeuva in del comun de Cossogn, anca se 'l gh'ha minga el status ofizzial de frazzion.
A l'è on paesin che 'l se troeuva dedent a la Val Pogall, in del Parch Nazzional de la Val Granda.
Per rivaggh, besogna andaggh per forza a pè, cont on sentee che 'l partiss de Scigogna.
Fina a la metà del '900 a l'era abitaa, e gh'era anca ona scoeula e ona caserma di carbinier. De fatti, a gh'era ona comunità de boschiroeu, che poeu menaven la legna fina a Cossogn, anca grazie al sentee costruii in di primm agn del secol per inizziativa del scior svizzer Carlo Sutermeister.
El 18 de giugn del 1944 gh'è staa coppaa desdott partigian italian, fusilaa di todesch.

Varda anca

• Carlo Sutermeister
• Val Pogall
• Pogall (riaa)