Polizzia federala (Germania)
|
Quest articol chì l'è scrivud in lombard, con la Noeuva Ortografia Lombarda |
La Polizzia federala (Bundespolizei in todesch, breviada BPOL) a l'è la forza de polizzia federala de la Germania, donca la forza de l'orden principala a nivell federal, e la dipend del ministeri federal di interni. La se ocupa soratut de controllà i confin e de controllà la sigurezza aerea e di ferrovie, oltra a sigurà la protezzion di orghen costituzzionai federai. Al so interno a gh'è anca l'unità speciala GSG 9, che la po vesser s'cerada anca a sostegn di polizzie di Stat federad, che inn i forze de polizzia che se ocupen de la pupart di robe ordinarie in del Paes.
Oltra a lor, a nivell federal a gh'è l'Ofizzi Federal de Polizzia Criminala, che 'l se ocupa soratut de investigazzion, e la Polizzia de la Dieta Federal, che la protesg la Cambra Bassa del Parlament todesch.
Inn stad fad su in del 1951 cont el nom de Bundesgrenzschutz ("Guardia federala de frontera"), cont un roeul pussee stregg, e con la reunificazzion todesca la ciapa dent la polizzia ferroviaria de la Germania Ovest e la Polizzia di straport de la Germania Est. Fina al 1994 eren recognossud 'me combatent, per via del so roeul in del protesger el confin intra-todesch. In del luj 2005, a recognosser el cambi de roeul de quella forza chi, pu domà de frontera ma che la lavora a nivell federal per fà pussee robe.
Ligam de foeura
ModifegaAlter proget
Modifega
Wikimedia Commons el gh'ha dent imagin o alter archivi su Polizzia federala (Germania)
