Pompeo Cambiasi
|
Quest articol chì l'è scrivud in lombard, con la Noeuva Ortografia Lombarda |
El Pompeo Cambiasi (Milan, 9 de setember 1840 - Montecatini Terme, 8 de setember 1908) a l'è stad un musicolegh e politegh italian. [1][2]
Biografia
ModifegaFioeul de l'Isidoro e de la Cirilla Bianca, l'ha portad inanz la passion del pader per la musega, in principi 'me lavorà e, dopo vesser andad in politega, a temp parzial.[2]
Del 1869 a l'è sernid 'me delegad del teater de Vares e, del 1872, 'me consejer provincial a Com: a l'era anca part de la ministrazzion de la Scala, de la che l'era anca palchetista[3], e de l'ospizzi per i musicista.[2]
A l'è stad sindegh de Bizzozer del 1865 al 1880 e per un bell poo de temp assessor municipal de Milan, a l'è elesgiud deputad in la XVIII legisladura a Vares.[2][1]
In di ultim agn de la soa vita el scrivarà di test in sui teater de Milan e Vares, insì de portà la popolazzion a sostegnìi pussee.[2] A l'è mitud sota un del Cimiteri monumental de Giubian, ghe dedichen poeu una via a Milan e un parch per i fiolit a Bizzozer, che in del menter l'era deventad un quarter de Vares.[1]
Riferiment
Modifega- ↑ 1,0 1,1 1,2 Commendator Pompeo Cambiasi. URL consultad in data 2024-11-12.
- ↑ 2,0 2,1 2,2 2,3 2,4 (IT) CAMBIASI, Pompeo - Enciclopedia. URL consultad in data 2024-11-12.
- ↑ Biblioteca Nazionale Braidense-Milan- Italy. (IT) I palchettisti della Scala 1778-1920. URL consultad in data 2024-11-12.
Alter proget
Modifega
Wikimedia Commons el gh'ha dent imagin o alter archivi su Pompeo Cambiasi
