Pont de la Ghisolfa
|
Quest articol chì l'è scrivud in lombard, con la Noeuva Ortografia Lombarda |
El Pont de la Ghisolfa (in italian Ponte della Ghisolfa, ofizzialment Cavalcavia Bacula) a l'è una strada soraelevada de Milan, che la supera la ferrovia Dom-Milan e la ferrovia Milan-Saronn per tacà insema el quarter de la Ghisolfa cont el Derghenin.
Part de la circonvallazzion esterna, el va inanz senza continuità in del cavalcavia Monscender-Serra, in d'un insema che l'è despess ciamad imprecisament tut "Pont de la Ghisolfa".
Storia
ModifegaL'è stad vert al trafegh in del 1939 e l'ha donca completad l'anell de la circonvallazzion esterna. L'è stad fad in part con l'estension di vegg viadot a arch in su la Milan-Dom e 'n inn stad fad su alter do sezzion per la linia di FerrovieNord per Saronn e per el Bivi Simonetta.
In la coltura
ModifegaEl Pont a l'è manzonad in di cunt del Giovanni Testori, che l'ha scrivud anca el liber "Il Ponte della Ghisolfa" e l'è stad scena de 'n quaj film del Luchin Vescont de Modron. L'è anca cognossud per un circol anarchegh che gh'è arent.
Carateristegh
ModifegaL'è fad su de trè sezzion soraelevad separad di brev sezzion in rilevad.
A partì de ovest troeuvom el cavalcavia in su la linia Cadorna-Bovisa che, in origin, el gh'aveva una longhezza de 20 meter e una lus de 10,75 m, ma in di lavorà de slargament in di agn '90 l'è stad mudad. Dòpo el gh'è un brev trat de cinch meter che 'l quatava el binari per el Bivi Simonetta, de temp sopress, e infin l'è superada la trata in tra Milan e Rò cont el manufat el pussee important, longh 78 meter e fad de set arch de 10 meter de lus.
Bibliografia
Modifega- Dott. Ing. N. Dragonetti, Il Cavalcavia della Ghisolfa per il completamento della Circonvallazione esterna di Milano, in Le Strade, anno XXIII, nº 4, Milano, Organo dell'Istituto Sperimentale Stradale della Consociazione Turistica Italiana e del Reale Automobile Circolo d'Italia (Fondazione Puricelli), aprile 1941 (XIX), pp. 189-194.
Riferiment
ModifegaAlter proget
Modifega
Wikimedia Commons el gh'ha dent imagin o alter archivi su Pont de la Ghisolfa
