Pont de la Vittoria
El Pont de la Vittoria (Ponte della Vittoria in italian) a l'è 'n pont de Cremee, che 'l conliga con Masg e con Barz.
.jpg)
Storia Modifega
L'è staa faa su in tra 'l 1921 e 'l 1925 de la ditta Terzi e cont on progett de l'ingegnee Danusso, per sostituì ona passerella, unegh metod de conligament in tra i dò localitaa finna del cinchcent. Gh'è staa miss 'na lapid dedicada ai caduu e cont el bollettin de la Vittoria sora, inscì l'è staa ciamaa "Pont de la Vittoria" e l'è staa miss in Via Quatter de November. A la fin de la segonda guerra mondial l'è missa 'n oltra lapid dedicada ai mort in quella guerra.
In del 1984 l'è staa rinforzaa per podè slargà la strada, ròba però mai fada. El gh'ha la trista fama, spantegada anca foeura de la provincia de Lecch, de vess el pont di suicidi.
Caratteristegh Modifega
Miss in sul riaa Pioverna, l'è faa de 'n unega arcada de circa ducent meter che la regg el pont, ona carensgia a dò corsij, longh 75 meter, largh cinch e a 'n altezza de 95 meter, cont dò marciapee a sbalz.