Ponzi Pilat

Quest articol chì l'è scrivud in lombard, con la Noeuva Ortografia Lombarda

El Ponzi Pilat (in latin Pontius Pilatus, in gregh antigh Πόντιος Πιλᾶτος, in ebraich פונטיוס פילאטוס; I secol a.C. - I secol d.C.) a l'è stad un politegh e militar roman, quint governador de la Giudea romana per circa des agn, sota el regn del Tiberi, intorna a l'ann 30.

Iscrizzion del Pilat a Caesaria Maritima

A l'è regordad soratut per i event del process del Gesù, indova che per i Vangeli el voleva liberàll, che per lu l'haveva fad nagot de mal, ma infin, per la pression di saducee, el se n'è netad i man e l'ha lassad che 'l fuss mitud in cros. Di legende sostegnen che, infin, el se fuss convertid al cristianesim, per quella reson chi l'è un martir per la Gesa ortodossa copta e un Sant per la Gesa ortodossa etiopa.

Regordad 'me un governador dur e forsi corrot, per esempi del Flavi Isep per quell che se sa l'è stad ciamad a Roma quand che l'ha fad una dura repression di samaritan in del 36 o in del 37, ma el Tiberi l'era mort, e al so post l'era andad su el Calligola, e 'l se sa pu negot del so destin.

Riferiment

• Treccani

Alter proget

Altri progetti

• Wikiquote
• Wikimedia Commons

• Wikiquote el gh'ha dent citazzion de o su Ponzi Pilat
• Wikimedia Commons el gh'ha dent imagin o alter archivi su Ponzi Pilat