PoorMan
|
Quest articol chì l'è scrivud in lombard, con la Noeuva Ortografia Lombarda |
El PoorMan a l'è un server web linsger che l'è dad foeura insema a Haiku, desvilupad in C e C++. El permet, cont una interfacia grafega, de scernì una directory che la sarà compartida in su la Red, anca 'me elench de file, de scernì el numer massim de connession insema e de havégh un log, pu o men complet, anca di visite.
A bon cunt, desgià che Haiku a l'è pensad soratut 'me un sistema desktop e 'l gh'ha nanca un firewall, a l'è minga consiliad in di ambient de produzzion. El gh'ha minga el suport per el PHP nativament, ma se po metéghel a travers de FastCGI.[1]
Del masg 2023 el dopera nativament l'encoding UTF-8 inveci del pussee vegg Latin-1.[2]
Al dì d'incoeu inn stad portad in sul sistema anca server compagn de Apache HTTP Server e nginx, donca a l'è doperad poch.