Porta Ludovica
(Rimandad de Porta Lodoviga)
Porta Ludovica (inscì anca in italian) l'era vuna di port de Milan.
La se trovava a sud del centro, in tra Porta Cicca (ovest) e Porta Vigentina (est).
La ciappava el nomm de ona pusterla dedicada al duca Ludovigh el Moro, situada in su la strada de San Cels (incoeu Corso Italia), arent ai mur medievai de Milan.
Quand che i Spagnoeu hann faa su i Bastion in del XVI secol, hann costruii ona porta anca a la fin de la strada de San Cels, e l'hann ciamada Porta Ludovica anca lee.
L'è restada in pee fina al 1905, quand che l'hann trada giò del tutt. Al dì d'incoeu a ghe resta pù negott.
