Posterla de Sant Ambroeus
|
Quest articol chì l'è scrivud in lombard, con la Noeuva Ortografia Lombarda |
La Posterla de Sant Ambroeus a l'è vuna di posterle in sui mure medievai de Milan, che la ciapa el nom de la Basilega de Sant Ambroeus che l'è scià arenta.
Quella che la gh'è incoeu la resaliss al 1939 e l'è stada progetada del Gino Chierici: la gh'ha do torr e 'n pass a dobia fornis e per fàlla su inn stad doperad di quadrei ciapad di vegge porte e mur trad sgiò in di secoi, e gh'è anca trè statov de Sant - l'Ambroeus, el Gervas e 'l Protas - che inn stade ciapade del vegg ospedal de Sant Ambroeus.
La sarà restaverada per fà su l'ingress de la fermada Sant Ambroeus de la metropolitana per la linia 4.
L'è chinscì che el Jacom del Vermen l'ha ciapad, per orden del Gian Galeazz Vescont, el Bernabò, con la scusa de un pellegrinagg, e l'ha menad al Castell de Trezz, indova che l'è mort insema ai fioeui Rodolf e Lodovigh, ch'eren andad insema a lu.
Riferiment
ModifegaAlter proget
Modifega
Wikimedia Commons el gh'ha dent imagin o alter archivi su Posterla de Sant Ambroeus
