Postulad del Koch
|
Quest articol chì l'è scrivud in lombard, con la Noeuva Ortografia Lombarda |
I postulad del Koch inn di criteri pensad per mostrà la relazzion causa-efet che la liga un micro-organism a una malatia. Desvilupad del Robert Koch a partì del lavorà del Friedrich Gustav Jakob Henle, disen:
- L'agent che se pensa che 'l causa la malatia el gh'ha de vességh in tucc i cas trovad de quella malatia chi
- El gh'ha de vesser possibel isolà l'organism de l'ospit malad e fàll cresser in coltura pura
- Ogni voeulta che la coltura pura a l'è dada a 'n organism san e che 'l po ciapà la malatia, ghe vegnarà
- L'organism el gh'ha de vesser isolabel de l'infetad inscì
Anca se inn di meder important gh'hann di limit, per esempi gh'è di organism comensai o che gh'è in l'ambient che infeten domà in d'un quaj cas, gh'è anca di cas indova che inveci de la malatia la se desvilupa una forma minor o asintomatega e gh'è anca di patogen, compagn de quell de la lebra, che se poden minga fà in coltura. Per quella reson chi incoeu se doperen pussee i criteri de Bradford Hill o i postulad del Koch molecolar.