Prima Curinz Capitel Dudes

Quel articul chì l'è scrivüü in Lumbard, cun l'urtugrafia insübrica ünificada.

Prima Curinz

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Dudes

¹E sü i robb spiritüaj, fradèj, vöri no che sii ignurant. ²Savii che quand serii naziún, serii purtaa a iduj mütt, cuma purtaa via. ³Dunca, ve fuu savüü che nissün che 'l dis in del Spirit de Diu el dis: «El Gesü l'è anatema», e nissün el pò dì: «El Gesü l'è Signúr», se no in del Spirit Sant.
⁴E gh'hinn diferénz di regaj, ma el medemm Spirit; ⁵e gh'hinn diferénz di ministeri, ma 'l medemm Signúr; ⁶e gh'hinn diferénz di uperaziún, ma 'l medemm Diu che l'opera tüsscoss in de tücc. ⁷E l'è dada a ognidün la manifestaziún del Spirit per chèll che 'l sta bén. ⁸Già che a vün l'è dada per mèzz del Spirit una parola de saviéza, e a un alter l'è dada una parola de cugnussénza segund el medemm Spirit, ⁹a un alter féd in del medemm Spirit, e a un alter regaj de varisiún in del vün Spirit, ¹⁰e a un alter uperaziún de la puténza, e a un alter prufezìa, e a un alter discernimént di spirit, a un alter géner di lenguv, e a un alter l'interpretaziún di lenguv; ¹¹e 'l vün e medemm Spirit l'opera tücc chèst, smezand a ognidün in particülar cuma 'l vör.
¹²Già che propi cuma 'l corp l'è vün e 'l gh'ha tant part, e, ancabén hinn tant, i part del corp hinn vün corp, inscì anca l'è 'l Crist; ¹³già che anca in de vün Spirit nümm tücc sèmm staa batezaa in de vün corp, se Giüdee o Grech o s'ciav o liber, e tücc hinn bevraa 'l medemm Spirit.
¹⁴Già che anca 'l corp l'è minga vöna part, ma tant part. ¹⁵Se 'l disess el pee: «A sun minga una man, sun no del corp», per chèst l'è no del corp? ¹⁶e se 'l disess l'urégia: «A sun minga un ögg, sun no del corp», per chèst l'è no del corp? ¹⁷Se l'intregh corp l'è un ögg, due l'è 'l séns de sentii? Se l'intregh corp l'è 'l séns de sentii, due l'è la nasta? ¹⁸Ma adèss Diu l'ha metüü i part, ognidün de lur, in del corp, propi cuma l'ha vursüü. ¹⁹Ma se tüsscoss eren vöna part, due l'è 'l corp? ²⁰Ma adèss gh'hinn tant part, e vün corp. ²¹E l'ögg el po minga dì a la man: «A gh'huu minga besogn de tì», o de növ el cuu a i pee: «A gh'huu minga besogn de vialter»,; ²²ma tant püssee, i part del corp che paren vèss püssee dèbuj, hinn necessari, ²³e i part che me par vèss püssee desunurevuj, i circundèmm de tant püssee unúr, e i noster part indecurús gh'hann tant püssee mudestìa, ²⁴e i noster part decurús gh'hann minga besogn. Ma Diu l'ha mes'ciaa 'l corp insèma, avend daa 'l unúr püssee grand a la part che la gh'ha mancaa, ²⁵perchè la ghe sia no una divisiún in del corp ma che i part avessen la medema cüra la vöna per i alter. ²⁶E se una part la pat, tücc i part paten cun lee; se una part l'è dada gloria, tücc i part gh'hann letizia cun lee. ²⁷E vialter sii 'l corp del Crist e i sò part in part.
²⁸E chèst Diu l'ha metüü in de la gésa prima apostuj, segunda prufètt, tèrza insegnant, pö puténz, pö regaj de varisiún, ajütt, guèrn e géner de lenguv. ²⁹Hinn tücc apostuj? Hinn tücc prufètt? Hinn tücc insegnant? Hinn tücc puténz? ³⁰Gh'hann tücc regaj de varisiún? Parlen tücc in de lenguv? Interpreten tücc? ³¹E che gh'àbiuv gelusìa per i regaj mèj.
E ve fuu vedè una via anmò püssee ecelent.

Navigaziun

• ← Indree a Capitel Vündes
• Inanz a Capitel Trides →
• A l'indes