Progett Bojinka
El Progett Bojinka l'è staa on progett terrorista dol Ramzi Yousef, ligaa a l'Al-Qaeda che 'l voreva fa s'cioppà di reoplan american.
Storia
ModifegaRamzi Ahmed Yousef, nevod del Khalid Sheikh Mohammed, quell che l'ha ideaa i attetaa del 11/09/2001, el voreva anca lu fà borlà giò i dò torr, e l'ha provaa a fall, in del 1993.
El FBI l'ha arrestaa tucc i organizzador del attentaa, ma minga 'l Yousef, che l'è 'ndaa in di Filippin, indoa che gh'era ona cellula importanta de l'Al-Qaeda, e indoa gh'era anca el sò barba.
I dò han scominciaa on pian che 'l voreva fà s'cioppà 11 voi de linea american. L'ideja l'era de portà in di reoplan de la nitroglicerina, fa su la bomba, mettel sota al cadreghin e andà giò.
I terrorista han pensaa anca a di olter soluzzion, se la prima la fodess impossibil. I idej even:
- Impienì di Cessna de esplosiv e mandai in del territori american e fai s'cioppà
- Coppà el Papa in de la soa visita in di Filippin.
A la fin, el pian numer 1 l'è ndaa innanz ben, e donca el 11 de dicember del 1994 el Yousef l'ha deciduu de fà ona proeuva importanta. L'è saltaa su in d'on vol de la Philippine Airlines, che 'l andava a Tokio, ha l'ha mettuu la soa bomba e l'è 'ndaa giò. La bomba l'è s'cioppada, l'ha coppaa on passeggee, ma el reoplan l'è rivaa istess a atterrà ad Okinawa in emergenza.
Però, a gennar del 1995, ses dì prima de la visita del papa Giovan Paol II, in del appartament indoa che la cellula de terrurist la conservava material per fabricà di esplosiv, von di sostanz l'ha ciappaa foeugh e l'è taccaa on incendi che l'ha ciamaa l'attenzion de la polizia. I investigazzion che hinn staa fà i hann portaa a l'arrest del so jutant, ma el Ramzi Yousef l'è rivaa a scappà in Pakistan.