Programa Pioneer
|
|
Chest artícol a l'è scricc in Lumbàrt, ortograféa orientàl unificàda. |
El Programa Pioneer l'è stat en progràma americà furmàt de 'na série de misiù spasiàle sènsa equipàgio miràde a l'esplorasiù dei pianeti del Sistema Solar. Le sónde mandàde 'ndèl spàsio endel quàder del Programa Pioneer i è stàde divèrse ma le piö 'mportàte i è stàde la Pioneer 10 e la Pioneer 11 che i è riàde a esplorà i pianéti estèrni e i è riàde 'nfìna ai cunfì del nòst sistema.
El programa l'ìa spartìt en dò generasiù de sónde spasiàle. Le prime, chèle de tìpo Able, i è stàde lanciàde 'ntra 'l 1958 e 'l 1960. En conseguènsa dei tacc falimèncc de le misiù, el progràma l'è stat seràt sö. Endel 1965, però, la NASA la g'ha turnàt a töl en mà e gh'è stat progetàt ge fabricàt 'na nöa generasiù de sónde, de le quàle, le Pioneer 7 e 8, lanciàde endel 1966, i è amò 'n funsiù al dé d'encö, Chèsta segónda part del programa l'è 'nàda 'n nacc del 1965 al 1978.
Le misiù
ModifegaPrima generasiù (Able)
- Pioneer 0 - orbiter lünàr, distrügìt al momènt del làncio
- Pioneer 1 - orbiter lünàr, el sbàglia la Lüna per vìa de 'n làncio canàt
- Pioneer 2 - orbiter lünàr, distrügìt al momènt del làncio
- Pioneer 3 - flyby (pasàgio a póca distànsa) lünàr, el sbàglia la Lüna
- Pioneer 4 - flyby lünàr, el rìa a la velocità de fuga de la Tèra
- Pioneer P-1 (W) - sonda lönàra, s•ciopàda al momènt le pröe prìma del làncio
- Pioneer P-3 (X) - sonda lönàra, nàda pèrda al momènt del làncio
- Pioneer P-30 (Y) - sonda lönàra, la rìa mìa a mitìs en òrbita e la bùrla zó endel océano
- Pioneer P-31 (Z) - sonda lönàra, l'öltem stàde del vetùr el s•ciòpa e la sónda la bùrla zó 'ndel Océano Antlàntich
- Pioneer 5 (P-2) - la rìa 'ndèl spàsio interplanetàre 'ntra la Tèra e Venere
Segónda generasiù
- Pioneer 6, 7, 8 e 9 - le rìa 'ndèl spàsio interplanetàre 'ntra la Tèra e Marte
- Pioneer E - la gh'ìa pò a lé de rìa 'ndèl spàsio interplanetàre 'ntra la Tèra e Marte ma l'è stàda fàda s•ciopà per vìa de 'na anomalìa endela traietòria
- Pioneer H - còpia de le Pioneer 10 e 11, piö tàrde destinàda per 'na misiù 'nvèrs Giove e, semài che 'l fös stat pusìbol, Saturno, ma mai lanciàda per problémi de palànche
- Pioneer 10 - l'è riàda sö Giove e 'l spàsio interstelar medio
- Pioneer 11 - l'è riàda sö Giove, Saturno e 'l spàsio interstelar medio
- Pioneer 12 - (Pioneer Venus 1-Pioneer Venus Orbiter) del progèt Pioneer-Venus
- Pioneer 13 - (Pioneer Venus 2-Pioneer Venus Multiprobe) del progèt Pioneer-Venus