Proverbia super natura feminarum
|
Quest articol chì l'è scrivud in lombard, con la Noeuva Ortografia Lombarda |
I Proverbia super natura feminarum (proverbi in su la natura di done in lombard) a l'è un test scrivud in d'un volgar de l'Altitalia fad de 189 quartine monorime in stil lissandrin che 'l parla de l'amor di done e di so raport con lor 'me un castigh per i omen che inn stupid. Per quella reson chi a l'è ciamad del Gianfranco Contini "el test pussee antigh in volgar italian a vesser contra i done", e l'è ispirad a l'oeuvera francesa Chastiemusart.
Trovad in su 'n palper con di test che de sigur inn lombard, compagn de quei del Gerard Pategg e de l'Uguçon da Laodho, ma incoeu el se ritegn che 'l fuss scrivud de un venezzian, per via de trat compagn del guarnà de la -s in di terze persone, che al temp gh'era, 'me 'l diseva anca el Dant Ligher in del Volgar.