Pruvincia de Lissandria

Quel articul chì l'è scrivüü in Lumbard, cun l'urtugrafia insübrica ünificada.

---

• Süperfiss: 3.560 km²
• Pupulazziun (2001): 418.231 ab.
• Densitaa: 118 ab./km²
• Nümer de cumün: 190
• Capitaal (pup. 2001): Lissàndria (85.438 ab.)

---

La Pruvincia de Lissandria l'è una pruvincia del Piemunt che la cünta 438.383 abitant. La se tröva in del süd-est de la regiun, al cunfin con la Pruvincia de Vercei a nord, a ovest con la Pruvincia de Türin e cun la Pruvincia de Ast, a est cun la Lumbardia (Pruvincia de Pavia), a süd con la Ligüria (Pruvincia de Genuva e Pruvincia de Savona) e a süd-est cun l'Emilia-Rumagna (Pruvincia de Piasenza).

La se tröva dunca in d'una pusiziun centrala tra i vari pruvincc del nord-ovest de l'Italia, e per quest la gh'ha avüü l'inflüenza da tüt i cultür regiunal de la zona.

El teritori e i lenguv

La Pruvincia de Lissandria la ven dividüda de norma in ses teritori, che hin culegaa ai cità püssee impurtant de la pruvincia.

• L'Aques, cun caplögh Aqui e in direziun de Ast e Cuni, indè che se parla un dialet de tipu piemuntes.
• El Lissandrin, inturna a Lissandria, indè che se parla un dialet de tipu piemuntes uriental.
• El Casales, inturna a Casal Munferaa, indè che se parla un dialet de tipu piemuntes munfrin.
• El Nuves, inturna a Növ Ligür, indè che se parla un dialet de tipu ligür.
• L'Uvades, inturna a Uvada, indè che se parla un dialet de tipu ligür.
• El Turtunes, inturna a Turtona, indè che se parlen dialet de transiziun tra el Lumbard e l'Emilian.