Lengua portoghesa

lengua indo-europea
(Rimandad de Purtughes)
Lombard Oriental Chest artícol a l'è scricc in Lumbàrt, ortograféa bresàna moderna.


El portoghés (Português; IPA [puɾtu'ɣeʃ], [poɾtu'ges], [poxtu'gejʃ] o [poɾtu'gejs]) l'è 'na lèngua romànza uficiàl en Portogàl, Brazìle, Angòla, Mozambìco, Guinea-Bissau, Guinea Equatoriàl, Capo Verde, São Tomé e Príncipe, Macao e Timor Est.

La Luzofonia

Con piö de 200 miliù de parlàncc natìf, el Portoghés l'è la sèsta lèngua màder piö parlàda 'ndèl mónt, e la segónda lengua neo-latìna, süperada apéna del Spagnöl.

El Portoghés el s'è svülüpàt endèla part ucidentàl de la penìzula ibérica del latì parlàt, portàt dei soldàcc romà a 'ncumncià del III sécol prìma de Crìsto. La léngua la g'ha ambiàt a diferensiàs de le ótre lèngue romànze dòpo la fì de l'Impero Romano e l'inìsio de le 'nvaziù barbàriche 'ndèl V sècol. La g'ha cuminciàt a véser dopràda 'ndei docümèncc scriìcc, piö o méno 'ndèl IX sècol, e 'ndèl sècol XV la s'éra za trasfurmàda 'ndèna lèngua leterària prestigiùza.