Quatter frugaj
I quatter frugaj a hinn on grupp informal de Stat de l'Union europea che compartissen 'na vision de conservatorism fiscal per el belanzz de l'Union fàda su de Austria, Danimarca, Pajes Bass e Svezia.
Han avuu assee de resonanza in del cors de la Pandemia de COVID-19 quand che s'hinn oppognuu ai programma de sussidi per i Stat pussee colpii e ai Eurobond, ma el termen el se troeuva giamò in del 2018 per riferìss a 'sti Stat che voreven no volzà i contribuu a l'Union a pussee del 1% del PIL nazional dopo de la Brexit.
Di alter Stat a hinn staa sociaa a 'sto grupp: la Germania, per esempi, l'era retegnuda arenta ai sò posizion finna a che l'ha parpognuu 'n programma de jutt insemma a la Franza per 500 miliard, menter dopo la Finlandia la s'è svesinada ai posizion del grupp.