Raiva
|
Quest articol chì l'è scrivud in lombard, con la Noeuva Ortografia Lombarda |
La raiva (o fota, ira o anca rabia) l’è un’emozzion intensa che la comporta una responsa s’gigotada e fancissa a una provocazzion, tort o menascia.[1][2]
Una persona che la gh’ha adoss raiva despess la prœuva anca di sintom fisegh, compagn de un isbatiment del cœur azzelerad, pression del sangh pussee elevada e di volt nivei de adrenalina e noradrenalina. Un quajvun el considera la raiva coma un’emozzion che la da l’inviada a la vœuja de scombater o de sghimbià.[3] La raiva la deventa l’emozzion predominanta a nivell comportamental, cognitiv e psicologegh quand che una persona la ciapa la decision de frontà e fermà el comportament menascios che el ven de una forza esterna.[4]
La raiva la gh’ha di conseguenze e fiseghe, e mentai. Un’espression esterna de raiva la pœul trovàss ind i espression fazzai, lenguasg del corp e response fisiologeghe e duranta dei at publegh de assaltament. I espression fazzai pœuden vesser, per esempi, vergot compagn de una motria.[5]
I psicolegh moderen consideren la raiva coma un quajcoss de natural e normal e un’emozzion sentuda de virtualment tucc i homen una quaj vœulta. La raiva incontrollada la pœul havégh un impat negativ in su la vita sozzial de una persona.[6]
Referenze
Modifega- ↑ Videbeck, Sheila L. (2006). Psychiatric Mental Health Nursing, 3rd, Lippincott Williams & Wilkins. ISBN 9780781760331.
- ↑ (January 2020) "The feeling of anger: From brain networks to linguistic expressions". Neuroscience & Biobehavioral Reviews 108: 480–497. DOI:10.1016/j.neubiorev.2019.12.002.
- ↑ Harris, W., Schoenfeld, C.D., Gwynne, P.W., Weissler, A.M.,Circulatory and humoral responses to fear and anger, The Physiologist, 1964, 7, 155.
- ↑ Raymond DiGiuseppe, Raymond Chip Tafrate, Understanding Anger Disorders, Oxford University Press, 2006, pp. 133–159.
- ↑ Michael Kent, Anger, The Oxford Dictionary of Sports Science & Medicine, Oxford University Press, ISBN 0-19-262845-3
- ↑ John W. Fiero, Anger, Ethics, Revised Edition, Vol 1
Ligam de denter
ModifegaLigam de fœura
Modifega
Wikiquote el gh'ha dent citazzion de o su raiva
Wikimedia Commons el gh'ha dent imagin o alter archivi su raiva
