Rasor de sigurezza
(Rimandad de Rasù de sigürezza)
|
Quest articol chì l'è scrivud in lombard, con la Noeuva Ortografia Lombarda |
El rasor de sigurezza a l'è un rasor che l'è pensad per sbassà el ris'c de tajàss, o comunque de irrità la pell, quand che vun el se rasa, roba che l'ha permitud de sbassà el dipender di barber anca per fàss la barba. Sgiamò a partì del 1700 gh'eren di arnes che serviven a protesger la lama, ma l'è stad a partì del 1900 che grazzia a la Gillette a inn deventad pussee popolar. Di agn 1970 hann tacad a spantegàss i rasor con la cartoccia, che incoeu inn i pussee popolar, ma el modell vegg indova che la lameta la se met dent a man a l'è tornad popolar in di agn 2010, inscì de sbassà el trasà de materiai per ecologia.
Riferiment
ModifegaAlter proget
Modifega
Wikimedia Commons el gh'ha dent imagin o alter archivi su Rasù
