Red di filobus de Milan
| Red di filobus de Milan | |
|---|---|
| |
| Tipolojia | Filobus |
| Stats | Itàlia |
| Territore | Lombardìa |
| Vertura | 1933 |
| Part de | STIBM |
| Linie | 4 |
| Operador | Azienda Trasporti Milanesi |
| Lungeza | 40,4 km |
| |
| istruzion | |
La red di filobus de Milan a l'è componnuda de quatter lign:
- 90/N90 Circolara drizza (Vial Isonzo - Lott MM)
- 91/N91 Circolara manca (Vial Isonzo - Lott MM)
- 92 Bovisa FN - Vial Isonzo
- 93 Lambraa FS MM - Vial Omero
I lign N90 e N91 effettuen el servizzi de nocc.
Stòria Modifega
El primm filobus a l'è staa proeuvaa in del 1906, inquand, in ocasion de l'Esposizion Internazionala, la Societaa per la Trazion Elettrica ha mettuu giò ona linia che la percorreva el cios attorna i pavion de la Piazza d'Armi, menter el primm servizzi regolar cittadin a l'è del 1933, cont l'avertura de la linia 81 (Piazza Spotorno - Piazza Derghen)[1].
In di agn depos la red la s'è desveluppada a la svelta, cont el pientament di lign radiaj e tangenziaj. Anca la noeuva circolara esterna (CE, poeu 90/91) a l'è stada realizzada comè linia de filobus.
A mitaa di agn 70 el se voeureva fà deventà la circolara 90/91 in ona linia de tram svelta, Modell:Cn. Donca a hinn staa traa-via i lign aer e tant lign a hinn staa mudaa in lign de corrier normaj. Precisament:
- 81 e 82 (27 de settember 1976)
- 83 e MB (25 de ottober 1976)
- 95 (20 de settember 1977)
- 96/97 (5 de marz 1979)
- 84 (6 de fevree 1984).
In di agn depos, anca a causa del bandonament del progett del tram per la linia 90/91, a l'è staa faa puu nissun intervent sora la red, foeura d'on quaj cambiament picinin de percors.
I sforz a hinn staa concentraa sora el sveltiment di lign, cont la realizzazion de corsii riservaa. I progett per el slongament de la red a hinn mai andà oltra el staa sempi propòst.
Vos ligaa Modifega
Bibliografia Modifega
- Marco Bersa, Filovie e filobus. Milano 1933-1986, Milano, Azienda Trasporti Municipali, 1986
- Paolo Gregoris, Francesco Rizzoli, Claudio Serra, Giro d'Italia in filobus, Cortona, Calosci, 2003 - pp. 83–96
- AAVV, FILOVIA - La Filovia Milanese tra Storia e Innovazione, Azienda Trasporti Milanesi, Milano, 2009
- ↑ Francesch Ogliari, Dall'omnibus alla metropolitana, Cavallotti Editori, Milano, 1987 (XXVII edizione), pagg. 179-180. Si veda anche: [1]