Red di tram de Basilea
La red di tram de Basilea a l'è on servizzi de straport publich che 'l quatta Basilea e 'l sò Hinterland, e la riva anca in Franza e in Germania.
A l'è fada de 12 lign e l'è vun di simboi de la città, recognossuu di ministeri cantonai. A l'è a scartament metrich e longa 77 km.
A l'è gestida insemma de la Basler Verkehrs-Betriebe (Basilea Città) e de la Baselland Transport (Basilea Campagna).
Lign Modifega
I lign a hinn 12, 9 gestii de Basilea Città e 3 de Basilea campagna.
| Numer | Strada | Operator | Mappa |
|---|---|---|---|
| 1 | Dreirosenbrücke ↔ Bahnhof SBB (↔ Badischer Bahnhof) | BVB | .png){kind=small}
|
| 2 | Binningen Kronenplatz ↔ Eglisee (↔ Riehen Dorf) | BVB | .png){kind=small}
|
| 3 | Burgfelden Grenze ↔ Birsfelden Hard | BVB | .png){kind=small}
|
| 6 | Allschwil ↔ Riehen Grenze | BVB | .png){kind=small}
|
| 8 | Neuweilerstrasse ↔ Weil am Rhein (Germania) | BVB | .png){kind=small}
|
| 10 | Rodersdorf ↔ Dornach | BLT | .png){kind=small}
|
| 11 | St. Louis Grenze ↔ Aesch | BLT | .png){kind=small}
|
| 14 | Dreirosenbrücke ↔ Pratteln | BVB | .png){kind=small}
|
| 15 | Messeplatz ↔ Bruderholz | BVB | .png){kind=small}
|
| 16 | Bruderholz ↔ Schifflände | BVB | .png){kind=small}
|
| 17 | Wiesenplatz ↔ Ettingen | BLT | .png){kind=small}
|
| 21 | Bahnhof St. Johann ↔ Badischer Bahnhof | BVB | .png){kind=small}
|
Servizzi internazional Modifega
La Red de Basilea la riva anca in Franza e Germania.
La linia 10, per rivà a Rodersdorf la passa in del comun franzes de Leymen. I passegee che a hinn sul tram a hinn no controlaa de la dovana, e pòden andà giò domà se i gh'ha no mercanzia oltra di limit.
La linia 8 la riva a la Stazion de Weil am Rhein, in Germania.
La linia 3 a l'è dree a vess modifegada per mett el capolinia a Saint-Louis, in Franza.
Storia Modifega
La prima linia a l'è verta dal 6 de magg 1895, cont el percors Centralbahnhof–Marktplatz–Mittlere Brücke–Aeschenplatz–Badischer Bahnhof.
A l'è poeu cressuda rapidament, in del 1897 a hinn vert 6 noeuv sezion, e vuna la conligava Basilea a Birsfelden.
In del 1900 la devegn internazional, cont el rivà a Sankt Ludwig, incoeu Saint-Louis, Haut-Rhin, part de l'Imper Todesch. In del 1910 a l'è vert on tocch per Huningue, anca lee todesca. In del 1917 a l'è verta ona linia per Lörrach. Tucc 'sti lign a hinn staa saraa denter del 1967.
Lungh la segonda guerra mondial tucc i lign forest a hinn staa saraa.
In del 1974 tanc aziend a hinn staa unii in la Baselland Transport AG.
Material rotabil Modifega
Per la pupart la red la dopera di classich tram svizzer, comé el tram BVB Be 4/4 401–476, e el BVB Be 4/4 477-502.
In di ultim agn a hinn staa crompaa di tram pussee moderni 'me i Stadler Tango e i Bombardier Flexity.