RegioShark

Quest articol chì l'è scrivuu in lombard, grafia milanesa.

RegioShark a l'è 'n autotreno di Ferrovij Cecch faa su de la ditta polacca PESA e consegnaa in tra 'l 2011 e 'l 2013. A l'è part de la familia PESA Link. A hinn classifegaa 'me 844.

On RegioShark

Storia

In del 2010 i Ferrovij Cecch han faa 'n appalt per 31 motris per on valor de 2,635 miliard de coronn, finanziaa al 40% de l'Union Europea. La gara a l'è vinciuda de la PESA che la ciappa 1'987'850'932 coronn, circa 64 milion a treno. L'unegh concorrent, l'azienda slovacca ŽOS Vrútky, l'ha superaa 'sto prezzi.

In del magg 2012 a hinn provaa i primm prototip a Velím e in l'autunn han scominciaa a circolà normalment.

Incoeu a hinn doperaa per i servizzi regionai pussee important di region de Plzeň, Karlovy Vary, Ústí e Zlín.

Caratteristegh tecnegh

A hinn di unità diesel faa su de dò sezion separaa e giontaa de 'n carrell comun, indova che gh'hinn i motor.

A gh'è l'aria condizionada in prima class, sistema de informazion ai passegee, sezion per el strapòrt di spiciol e di carrozzin e cess bon anca per i disabil.

Galleria di foto

• 
  Treno a 'na stazion
• 
  El conligament in tra i dò sezion
• 
  El treno arènt a 'n PESA Elf elettrigh
• 
  El rampin
• 
  La porta
• 
  Arent a on RegioNova
• 
  Interno
• 
  Sezion per i handicappaa
• 
  El cess
• 
  La segonda class
• 
  La prima class
• 
  La gabina
• 
  Sistema informativ

Riferiment

• Sitt di Ferrovij Cecch

Vos corelaa

• RegioNova
• RegioPanter
• RegioSpider

Alter progett

Altri progetti

• Wikimedia Commons

• Wikimedia Commons el gh'ha dent imagin o alter archivi su RegioShark