Retrovirus

Quest articol chì l'è scrivud in lombard, con la Noeuva Ortografia Lombarda

I retrovirus inn un grup de virus ssRNA-RT che doperen la trascrizzion inversa per meter una cobia del so RNA in del DNA de la cellula ospit. Una voeulta in del so citoplasma doperen i so enzima per trasformà el RNA in DNA e metel in del nucli de la cellula de l'integrasi, inscì de creà i inscì ciamad provirus.

Schema de l'infezzion de HIV

Inn partid in d'un mugg de famili e in trii sotagrup principai:

• I oncoretrovirus, che menen al cancher
• I lentivirus, che menen soratut a di imunodeficienz virai
• I spumavirus, che menen no a di malagn cognossud incoeu

In di uman i retrovirus patogen pussee cognossud inn quei de l'HIV e i HTLV, menter 'l virus de la leucemia murina l'è bon de causàgh el cancher del sangh in di rat, compagn del virus del sarcoma de Rous, prim oncovirus descovert. Inn anca di mez util in di studi genetich per menà in di cellule di noeuv gen. Se trasmeten de solit cont i fluid, ma gh'è di version, compagn del Jaagsiekte sheep retrovirus, che poden trasmetès in l'aria.

Division

• Orthoretrovirinae
  • Alpharetrovirus
  • Betaretrovirus
  • Deltaretrovirus
  • Epsilonretrovirus
  • Gammaretrovirus
  • Lentivirus
• Spumaretrovirinae
  • Bovispumavirus
  • Equispumavirus
  • Felispumavirus
  • Prosimiispumavirus
  • Simiispumavirus

Riferiment

• Sapere.it

Alter proget

Altri progetti

• Wikimedia Commons
• Wikispecies

• Wikimedia Commons el gh'ha dent imagin o alter archivi su Retrovirus
• Wikispecies el gh'ha dent informazzion su Retrovirus

Vos corelade

• Retrovirus endogen