Risòtt
El risòtt l'è on piatt tipich italian. El se troeuva in vari version in tutt el paes, anca se l'è pussee mangiaa al nòrd. La caratteristica principala l'è 'l mantegniment de l'amid che quand l'ha finii de coeuss el liga intra de lor i grann del ris, in sü'l fà d'ona crèma.
| Risòtt | |
|---|---|
 | |
| Origen | |
| Pòst d'origen |  Italia |
| Dettaj | |
| Categoria | primm piatt |
In de la tradizion de la cusina milanesa in de'l fà el risòtt a la milanesa el se droeuva: la scigolla, el broeud, el zaffran e ona voeulta cossuu el se fa mantecà cont on cicininn de butter.
On quai tipp de risòtt
Modifega| Nòmm / Tipo | Ingredient principai |
| Risòtt a la parmesana | Butter, scigolla, vin bianch, broeud, ris, saa, formai |
| Risòtt cont i spinazz | Oli, scigolla, spinazz mettuu a less e triaa, broeud vegetal, ris, saa, panera |
| Risòtt a la milanesa | Butter, scigolla, broeud, ris, nidolla, zaffran, saa, formai |
| Risòtt a la monsciasca | Butter, scigolla, vin ross, broeud, ris, luganega mosciasca, saa, formai |
| Risòtt a la pilòta | Butter, ris, salamella de porscell, saa, formai grana |
| Ris mantecaa | Butter, scigolla, vin bianch, broeud, ris, formai mòll, panera, saa, formai |
| Ris ai frutt de mar | Oli, aj, vin bianch, broeud de pess, ris, vongol, cozz, tellin, saa, formai |
| Risòtt a la zuccòria trevisana | Butter, oli, scialò, vin bianch, broeud, ris, pont de zuccòria de l'inverna, saa, formai |
| Risòtt a la zucca | Butter, scigolla, vin bianch, zucc coeusuda, ris, nos moscada, formai grattaa |
| Risi e bisi (tradizional veneto) | Baa de condiment e perfumm, erbion fresch, ris |
| Bomba de ris | Risòtt vestii-sù cont el giambon, sugh de fonsg; cottura al forno a bagnmaria |
| Ris e coi | Ris cont el cavolfior e, se se voeur, panscetta e pever |
| Ris al lacc | Ris, lacc, poeu zuccher e canella (se 'l se voeur majal dolz), putost che saa e formai grana (se 'l se voeur majal salaa) |
| Ris e fasoeu in padella | Ris, broeud vegetal faa cont pòmm de terra e fasoeu, e poeu i fasoeu e i pòmm de terra doperaa per fà el broeud el se metten insemma a la panscetta in ona padella |
| Ris al tastasaa | Ris, broeud, tastasa (che a l'è 'l masnaa per fà-sù el salamm), canella, formai grattaa |
Derivaa
Modifega
Al dì d'incoeu, el termen "risottaa" el definiss on piatt cusinaa cont la tecnega del risòtt, ma doperand on alter ingredient de baa, comè per esempi la "pasta risottada[1]". Alter pitanz a baa de cereai poden vess anca ciamaa "risottaa" comè 'l far risottaa[2], l'òrz risottaa[3] putost che el forment risottaa[4].
Risòtt zingher
ModifegaEl risòtt zingher a l'è ona rizetta tradizionala di zingher piemontes. El risott a l'è faa cont ris, formai de vacca semi-stagionaa, spumant succ, acqua, broeud de pollaster, panera da cusina, butter, pever, saa, parmigian. Ona variant a l'è la version al cacao: el cacao se mett on pizzegh a la finn de la cottura e poeu el se fà mantecaa on cicin.
Compagnament consejaa
ModifegaOgnidun tipo de risott el voeur on divers tipo de vin local e, si come de spess in de la rizetta ghe va dent on spumant, poeu se dopera chell lì per pasteggià.
Fotografii
Modifega-
Risòtt a la milanesa -
Risòtt ai funsg porcin -
Risòtt cont i erbion -
Risòtt cont i cornett -
-
-
Risòtt a la marinara cont i gamber -
Risòtt al parmigian e aseee balsamigh -
Risi e bisi -
Risòtt ai gamberett e zucchett -
Risòtt al negher de seppia -
Risòtt con l'oss bus
Nòt e alter progett
Modifega- ↑ Alessia Vicari. Pasta risottata con asparagi e ricotta. Il Fatto Quotidiano. URL consultad in data 19 marzo 2015.
- ↑ Farro perlato: 3 ricette. Greenstyle.it tv. URL consultad in data 19 marzo 2015.
- ↑ Orzo risottato al radicchio con zucca fondente. La Repubblica. URL consultad in data 19 marzo 2015.
- ↑ Grano saraceno risottato. La cucina che vorrei. URL consultad in data 19 marzo 2015.
Wikizzionari el gh'ha dent el lema de dizzionari «risòtt»
Wikimedia Commons el gh'ha dent imagin o alter archivi su risòtt
Bibliografia
Modifega- Alberto Salarelli, Risotto: storia di un piatto italiano, Mantova, Sometti, 2010.