Roberto Brivio

Quest articol chì l'è scrivuu in lombard, grafia milanesa.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

El Roberto Brivio (Milan, 21 de fevree 1938 - Monscia, 22 de sginee 2021) l'è staa on cantant e ator italian.
L'è cognossuu soratutt per avè fondaa i Gufi in del 1964 (insemma a Nanni Svampa, Lino Patruno e Gianni Magni), e vessen staa vun di cantant principai. I sò test de ambientazzion noir (che parlaven de cimiteri e de gent morta) gh'hann daa la scormagna de cantamacabro.
Dopo el 1969, despoeu de la fin de l'esperienza cont i Gufi (foeura che in d'ona reunion in del 1981) el s'è dedicaa al teater. In de la soa cariera a l'è staa ator, sceneggiador, autor per el teater e per la television. Inoltra l'è autor de El gran liber di parolasc, on dizzionariett in sui parolasc e olter maner de dì doperaa in del milanes. L'è mort a 82 agn de COVID-19.

Liber

Michele Moramarco, I mitici Gufi (Edishow, Reggio Emilia 2001)
Roberto Brivio, El gran liber di parolasc (Meravigli edizioni-Premiata Libreria Milanese, Milan 2012)
Roberto Brivio, Attenti al Gufo - E adèss ve la cunti mì (Meravigli edizioni, Milan, 2013)