Roberto Burioni

Quest articol chì l'è scrivuu in lombard, grafia milanesa.

El Roberto Burioni (Pesaro, 10 dicember 1962) a l'è on medegh e dosent italian, famos per la soa attività informativa in sui vaccinazion e contraria a l'antivaccinism.

Biografia

Dopo vessès deplomaa al Licee de Pesaro el se laurea a l'Università Cattolega del Sacher Coeur de Roma e 'l ciappa on dottoraa a Genoa.

Dal 2004 a l'è professor a l'Università San Raffael de Milan, indova che 'l studia i anticorp monoclonai per volzà la resposta immunitaria in di personn.

Divulgazion

A l'è deventaa famos a magg 2016, quand che l'è staa invitaa in d'ona trasmission per confrontàss cont el Red Ronnie, antivaccinista. El sò post de debunking e lamentela per i maner de Ronnie e de la trasmission l'ha ricevuu 5 milion de visit e l'ha menaa la RAI a ciappà di provediment.

A fin 2016 l'ha publicaa on liber a tema, dedicaa ai personn cont di pagur in sui vaccin.

A l'è staa criticaa fiss in di ambient antivaccinista per i sò maner, volutament desgarbaa cont quej che hinn contra di sò post senza 'vègh on titol de studi adatt o di studi de la soa part.

In del 2019 l'ha vert la rivista online "Medical Facts".

Oeuver

Il vaccino non è un'opinione: le vaccinazioni spiegate a chi proprio non le vuole capire, Mondadori, 2016, ISBN 8852076344
Rocco Donnici, Massimiliano Marinelli, Roberto Burioni, Genetica Valore delle biodiversità. Sfida della bioingegneria, Quattroventi, Urbino, 1998, ISBN 88-392-0461-X

Vos correlaa

Antivaccinism