Ryszard Siwiec
|
Quest articol chì l'è scrivud in lombard, con la Noeuva Ortografia Lombarda |
El Ryszard Siwiec (Dębica, 7 de marz 1909 – Varsavia, 12 setember 1968) a l'è stad un patriota polach, deventad simbol de la resistenza anti-sovietega in del Pajes.
Dopo havé tolt part a la resistenza polaca, in del 1968 el resta colpid di proteste di student a Praga e de la repression che gh'è stada, oltra che de l'invasion, a la che l'haveva tolt part anca l'armada polaca.
El scerniss donca de imolàss per la causa, el registra un messagg indova che el denonzia l'URSS 'me potenza imperialistega e 'l 8 de setember, dì de festa in Polonia, el se da foeugh inanz a 100'000 persone in del Stadi de Varsavia, oltra che ai esponent pussee alt del Partid.
Smorzade i fiame, l'è menad via e 'l moeur in ospedal quater dì dopo. La notizzia l'è dada no fina a l'imolazzion del Jan Palach.
Riferiment
ModifegaAlter proget
Modifega
Wikimedia Commons el gh'ha dent imagin o alter archivi su Ryszard Siwiec
