STC Executel
|
Quest articol chì l'è scrivud in lombard, con la Noeuva Ortografia Lombarda |
L'STC Executel a l'è stad un telefon fiss integrad cont un computer vegnud foeura in del 1984, in su proget de la Standard Telephones and Cables, azienda che la faseva su component per la British Telecom.
Pensad per un publegh de volta ministrazzion, el gh'haveva dent un elench di number ciamabel, un calendari, un diari organizativ, un bloch note, una calcolatris, un orelogg e di fonzion de sigurezza, cont el sistema che l'era salvad in su 'na casseta magnetega piscinina, e una memoria de 16'000 carater e, 'me output, un schermetin CRT.
'Me telefon, el gh'haveva la possibilità de ciamà a man libera, cont una bona integrazzion con l'agenda interna e la possibilità de conligà 'n unità slave, doperabel de 'na secretaria, che la podeva modifegà el calendari, inoltrà i telefonade e doperà el sistema 'me interfono con l'unità central.