Sacch (Coeus)

Quest articol chì l'è scrivuu in lombard, grafia milanesa.

Sacch (Sacco) l'è ona frazion del comun valtolin de Coeus, in de la Provincia de Sondri.
El paes el se troeuva a sud del center comunal, ben denter in de la Val Sgeroeula.

A Sacch a gh'è ona veggia cà d'on nodar con dent on afresch, indè che l'è disegnaa on omm tutt pelos e cont in man ona clava, che 'l dis: Ego sonto un homo salvadego per natura, chi me ofende ge fo pagura.

Proverbi in del dialett de Sacch

• Pussee 'l carell l'è vegg, mej el gira.
• Pagà i debet, se aquista credet.
• Chi giuga de caprizzi, paga de borsin.
• Mosch e tavan i gh'è ses mes a l'ann, i rompicojon i gh'è tutt l'ann.
• I vizzi de natura i se porta a la sepoltura.
• Al molin e a la sposa, ghe manca semper qualcosa.
• Sant Antoni, se la niv no gh'è, poch ghe manca.
• L'ann bisest, o el moeur i femmen o che 'l secca i gionest.
• I grazzi glia fa i Sant e i matelli quand i è grand.
• Quella cavagna che la se vanta, l'è senza cuu o poch ghe manca.
• A corr el capita miga apena ai asen, ma anca ai cavai.
• I ciacer i fann miga su uva.
• Danee e fioeu: chii go j'ha i è soeu.
• El val pussee la lappa che la zappa.
• A la sira canta el locch, a la mattina el dis negott.
• A la sira cent a cent, al matin nient nient.
• L'è minga tucc i dì festa.
• I ross, gnanca el diavol glia cognoss.
• Ona coi brisoeu l'è bona de fà fioeu.

Vos corelaa

• Omm selvadegh de Sacch