Sacrament

Quel articul chì l'è scrivüü in Lumbard, cun l'urtugrafia insübrica ünificada.

Un Sacrament a l'è in de la fed e tradiziun cristiana un segn eficass de la grazia de Diu. A hinn bun in manera indipendenta de la dignità del minister che ja celebra: i sacrament funziunen ex opere operato (per l'istess fat che hinn faa). Sacrament a l'è la tradüziun del latin sacramentum, che'l curispund al grech mysterion.

El Tritich di Set Sacrament, del Roger van der Weyden. Museu Real di Bej Art d'Anversa.

El prutestantesim e'l catolicesim se distinguen per el nümer e'l sens di sacrament

Per i catolich, del Cuncili de Trent, i sacrament a hinn set:

• batesim
• cunfermaziun o Cresima
• eucarestia
• Matrimoni
• urdin sacher
• penitenza, recunciliaziun o cunfessiun
• ünziun di malaa o estrema ünziun