Sandol cont i colzitt
Mett i sandol cont i colzitt a l'è 'na manera de indossàj che la mena a 'n gran dibattit in la moda e la reppresenta on ver e pròppi fenomen social in d'on quaj Pajes.
Fàll l'è assee spantegaa in del Regn Unii e in Cechia e, soratutt per i pussee vigg, in Germania, oltra che in d'ona quaj zonna in tra i Stat Unii e 'l Canada. In America a l'è anca 'n tipegh stereotipo de la comunità nerd.
Retegnuu de solit part de 'n vestìss casual, gh'è di cà de moda che han provaa a doperàll 'me element elegant, soratutt in del vestìss di donn.
De 'n pont de vista medegh a l'è consideraa pussee san che indossàj cont i pee biòtt degià che 'l permètt de avè no i germi, el sudor e la pell morta taccada ai calzatur e dònca al pee, ma de cavàj via quand che se cambien i colzitt. Se ritegn che quej che metten i sandol sènza colzitt ris'cen pussee i infezion de fonsg.