Apri il menu principale
Lumbard ucidental Quest articol chì l'è scrivuu in lombard, grafia milanesa.
Francisco de Zubarán, Santa Pollonia.

La Pollonia (gregh: Ἀπολλωνία; ... - Lissandria d'Egitt, 249 circa) l'è stada ona tosa grega, martira per el cristianesim.
L'è venerada 'me santa de la Gesa Catolega, e l'è regordada el 9 de febrar. L'è considerada la patrona di cava-dent.

VitaModifica

La storia del martiri de la Pollonia la n'è rivada cont el cunt de Sant Usoeubbi de Cesareja (265-340), che 'l reporta on tocch de la lettera del vescov Dionis de Lissandria (mort in del 265), indirizzada a Fabi de Antiochia: in quella lettera chì se cunten su i event di quai a l'eva staa testimoni. In tra el 248 e 'l 249 a Lissandria l'è s'ciopada ona revoeulta popolar contra i cristian, inzigada de on induvin pagan. La Pollonia, ona veggia donna cristiana che la s'era mai sposada e che l'aveva juttaa i cristian, l'è stada impresonada insemma ai olter, e l'è stada piccada inscì tant che gh'è borlaa via i denc. Segond ona tradizzion popolar, gh'hann streppaa via i denc cont ona tenaja. Poeu l'hann minasciada de brusalla viva se lee l'avess minga ditt di bestemm. Lee l'è stada bona de liberass di man di sò aguzzitt, e la s'è lanzada dent in del foeugh, convinta che coppàss el saria semper staa mej de vess torturada e ris'cià de perd la fed.

PatronaModifica

L'è la patrona di paes lombard de Ass, la Badia, Cantaloeu, Cantù, Rivolta e Viganò.