Santuari de la Madona Pellegrina (Baregg)
|
Quest articol chì l'è scrivud in lombard, con la Noeuva Ortografia Lombarda |
El Santuari de la Madona Pellegrina (Santuario della Madonna Pellegrina Mutilata in italian, formalment Nostra Signora della Bontà) a l'è un gesioeul che 'l fa parochia a Baregg, che 'l dipend de la comunità pastorala de Sant Nazar e Cels e 'l gh'ha du dependenze: la gesa de Sant'Ana e quella de la Brughiera.
Mitud in su la via Novara, l'è in pè del 1960: l'è dedicad a la statua de la Madona che l'era stada colpida de una bomba a man.
Storia
ModifegaEl saltament contra la Madona
ModifegaEl 13 de luj del 1948 una statua de la Madona Pellegrina l'era partida de Baregg, in del mez de un gir de tute i parochie de Milan, e la gh'haveva de rivà a San Peder, e l'era stada vitima de un saltament cont una bomba a man, che l'ha lassad circa 30 ferid. La granada l'era s'ciopada in l'incros di Quater Strade, che l'è indova che incoeu a gh'è el santuari. De l'atentad el vegn anca una scormagna di baragit, o ben mazza-madone.
La statua la perd el brazz drizz e varie scheje se s'cepen, a ferì quei che gh'eren arent.
Quand che el pellegrinagg de la Madona l'è fornid, i baragit hann domandad al monsignor Gorla, che l'era el proprietari de la statua, de podé tegnìlla, e lu l'ha did de sì, a pat che el fuss stad fad su un santuari per guarnàlla.
La costruzzion
ModifegaPrima che l'hann fada su, a gh'era un'edicola piscinina per regordà l'atentad, che l'è stada bordegada e destrugada in del 1949, in del 1951 e in de 1952.
Dopo che l'è mituda a post, la statua l'è tegnuda in la gesa de sant'Ana, lilinsì arenta, fina al 30 de luj del 1958 l'è menada in del sit del santuari noeuv, che l'era ancamò de fàll su, cont una procession solenn. El 7 de luj del 1959 l'è mituda la prima preja de la gesa noeuva, che l'è fornida del november, e 'l 24 de luj del 1960 l'arcivescov Giovann Batista Montin el derva ofizzialment el noeuv tempi e ghe cambia el nom a la statua in "Madona de la Bontà".
Resten comunque di lavorà de fà che inn fornid in tra el 1961 e 'l 1966: per quella reson chi la gesa ghe stà adree ai diretive del Concili Vatican II: la consacrazzion final l'è fada del cardinal Colomb el 2 de sgiugn 1966.
In tra el 1994 e 'l 2011 ghe fann di alter lavorà de miorament e del 2021 l'è inaugurad el segrad noeuv.
Architetura
ModifegaLa gesa l'è a forma de esagon slongad con l'ingress e 'l presbiteri in di lat pussee curt: propi al center del presbiteri, dedree a l'altar, a gh'è la statua de la Madona de la Bontà. La strutura a l'è in ciment armad e a drizza a gh'è el campanin.