Sappada

Chest artícol a l'è scricc in Lumbàrt Orientàl, ortograféa unificàda

Sappada
Stàto	Itàlia
Regiù	Friul-Venezia Giulia
Pruvincia	Udin
Cuurdinàde	12°41′07″ E 46°34′03″ N Vedè sü la mapa
Abitàncc	1 322 ab.
Superfìce	62,8 km²
Densità	21 ab/km²
Altèsa	1 217 m s.l.m.
Frasiù	Cima Sappada, Cretta, Puiche, Ecche, Soravia, Kratten, Fontana, Hoffe, Cottern, Mühlbach, Bach (sede del cümü), Pill, Palù, Granvilla, Lerpa
Cümü tacàcc	Forni Avoltri (UD), Prato Carnico (UD), Santo Stefano di Cadore, Vigo di Cadore
CAP	IT-33012
Còdes ISTAT	025052
Prefìs tel.	0435
Sit uficiàl del cümü

Sappada (en vèneto: Sapada; Plodn endèl dialèt todèsch locàl; Pladen en todèsch; Sapade 'n furlà) l'è 'n cümü italià, de la regiù del Vèneto, en Pruvìncia de Belluno. El g'ha presapóch 1.355 abitàncc, 'na superfìce de 62 km² e 'na densità de 22 ab./km². El cunfìna coi cümü de Forni Avoltri (UD), Prato Carnico (UD), Santo Stefano di Cadore, Vigo di Cadore. Sappada el se tróa a 'na altèsa de 1.245 méter söl leèl del mar sö la pónta nord-orientàl de le Dulumìcc, 'ntra 'l cadóre e la Càrnia, al cunfì 'ntra 'l Vèneto, 'l Friuli-Venesia Giulia e la Carìnsia (Austria). L'è 'na stasiù türìstica famùza tat per le vacànse estìve come per chèle 'nvernài.

El paés el se svelöpa en diresiù est – ovest per töta la àl streersàda del fiom Piave, che 'l nas pròpe endèl teretóre del cümü a 1.800 méter de quòta a le fàlde del mut Peralba.

Endèn referèndum tignìt ai 9 e 10 de mars del 2008, la popolasiù de Sappada la s'è manifestàda 'n favùr de la propòsta de pasà sóta la aministrasiù del la regiù Friuli-Venesia Giulia, endèla pruvincia de Udine.

Lèngua todèsca

Sappada l'è 'n ìzola linguìstega todescòfona, 'ndoe s'pàrla ü todèsch de la famèa pùstero carinsiàna compàgn de chèl che s'pàrla a Sauris e chèsta parlàda l'è tütelàda da la lège 482/99.

• 

  I mucc de Sappada
• 

  El Mut Peralba