Sasser (worm)

Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


El Sasser l'è on worm che 'l taca i cumpiüter cunt el sistema uperatif Windows. L'è sortii föra el dì 13 de april del 2004 e quaj sübit 'l s'è spantegaa. L'autur del Sasser l'è el Sven Jaschan, l'istess del Netsky.

El worm el tacava i OS Windows 2000 e Windows XP che gh'aveven on Bug in del component LSASS'. El 14 de april la Microsoft ha faa ona patch che la mett a post el bug, ma tant druvadur l'han minga metüda in del OS.

'Me che Sasser el taca i cumpiüterModifiché

El Sasser druva on servizzi de red minga protegiüü, dunca el worm el pò entrà in un OS senza fas vedè. El worm l'è faa in Visual C++ e l'è granda 15.872 byte.

Quand entra, el se copia in de la cartela Windows cunt el num "avserve.exe" o "avserve2.exe" e despö 'l se mett in del Register del Sistema.

E, dunca, derva on server FTP e pröva a mett el virus in olter PC, cunt IP cercaa casualment. Quest process chì fa druvà al process "lsass.exe" tant risurs, e quasi semper 'l mena al crash del sistema.